منتديات الجديرة
اهلا وسهلا بكم في منتديات الجديرة ،،، هذا المنتدى يتكلمفي بعض جوانبه عن قرية الجديرة الواقعه شمال غرب القدس والذي عزلها الاحتلال الاسرائيلي من التواصل مع القدس الشريف ومن يريد متابعتنا اكثر يتفضل بزيارتنا على صفحتنا على الفيس بوك تحت اسم ( قريتنا الجديرة )http://www.facebook.com/pages/%D9%82%D8%B1%D9%8A%D8%AA%D9%86%D8%A7-%D8%A7%D9%84%D8%AC%D8%AF%D9%8A%D8%B1%D8%A9/156965197690413



 
الرئيسيةالبوابةالتسجيلدخول

شاطر | 
 

 ما سر تقدم الغرب وتخلف العرب ؟

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : 1, 2  الصفحة التالية
كاتب الموضوعرسالة
محمد هندي
عضو فعال
عضو فعال


عدد المساهمات : 636
تاريخ التسجيل : 23/01/2010
العمر : 33

مُساهمةموضوع: ما سر تقدم الغرب وتخلف العرب ؟   السبت مارس 20, 2010 3:16 am

ما سر تقدم الغرب وتخلف العرب ... سؤال يطرح نفسه بجدية في وقت وصل فيه العرب الى أدنى الدرجات على جميع الأصعدة والمجالات بما فيها السياسة والإقتصاد والجانب الاجتماعي .. وصاروا لعبة وبيادق يلعب بها الغرب ويحركها أينما شاء ... في حين يشهد الغرب نهضة وتقدما جنونيا على جميع المستويات ... فما الفرق بيننا وبينهم وما سر هذا الاختلاف ونتائجه ؟؟

تعيش المجتمعات الغربية مساواة حقيقية بين الرجل والمرأة ويكفل القانون لجميع الفئات حقوقهم وواجباتهم فلا سيادة لغير القانون الذي يطبق على جميع الناس بدون إستثناء بل وصل الأمرفي مرات عديدة الى محاكمة رؤساء دول ووزراء وشخصيات هامة تم التفطن لخرقهم لقوانين في دولهم فتم الزج بهم في السجن وإزاحتهم من مناصبهم مثلهم مثل غيرهم من الناس العاديين ذلك أن المناصب الهامة في الغرب لاتحمي متقلديها من العقاب في حال خرقهم للقانون وتكفل حرية الصحافة والإعلام هذا الأمر فتجد الصحافيين يترصدون أصحاب المناصب والنفوذ ويسلطون الضوء بأقلامهم على أي تجاوز للسلطات أو خرق للقوانين .. فكم من وزير أو رئيس أو مسؤول أقيل أو أجبر على الإستقالة لتورطه في فضيحة مالية أو جنسية أو سياسية ...
فالمسؤولية هناك تكليف وتنتهي بإنتهاء أمدها أو حدودها .. فلو إفترضنا مثلا أن وزيرا ارتكب مخالفة مرورية في الطريق لتمت معاقبته بنفس العقوبة التي تسلط على أي إنسان عادي .. والمسؤول يعيش حياته العادية بين الناس دون أي عقد أو نعال .. لماذا ؟ لأنه يحكم بالقانون .. وهذا القانون يطبق على جميع الناس سواسية ويضمن حقوقهم ويضبط ما لهم وما عليهم .. وتجد أغلب الناس عارفين ومدركين بعلوية القانون ..
وفي مجال التربية والتعليم تجد المناهج متطورة ومواكبة للعصر وتقدم العلوم والتكنولوجيا فلا مجال لأن تجد نقصا في التجهيزات أو اكتضاضا في الأقسام أو نقصا في كفاءة المدرسين أو خللا على مستوى التسيير الإداري .. ينشأ الطفل هناك على حب العلم والمعرفة ويستعمل المدرسون وسائل بيداغوجية حديثة ترغب التلميذ في الدراسة ... كما أنه لا مجال لقمع التلميذ واضطهاده قالعقوبات البدنية محجرة وحقوقهم مضمونة ولا مجال لتهميشهم فهم يعاملون باحترام ويجاب على كل اسئلتهم مهما كانت ويدرسون كل العلوم فليس هناك محظورات أو " تابوهات " taboos فكل شيء قابل للطرح والنقاش والمعرفة على أسس علمية دقيقة ومدروسة ... فيتعلم الطفل أساليب الحوار والديمقراطية وينشأ على السلوك الحضاري وينهل من العلوم والمعارف الحديثة ويتربى على الخلق والإبتكار والإبداع ...
كما تشجع حكوماتهم البحث العلمي وترصد ميزانيات ضخمة لذلك فميزانية النازا مثلا تعادل ميزانيات الدول العربية مجتمعة ...

الحال في بلداننا العربية ؟؟

وعلى عكس الوضع في الدول الغربية المتقدمة يعيش العرب على الأطلال البائدة والأمجاد الضائعة ... وترى الناس في الجهل والضلالة يعمهون وفي وحل التخلف الفكري والحضاري يتمرغون ... فلا مساواة بين الأفراد ولا قانون يسود على جميع الناس بل يسلط هذا القانون على رقاب الناس الضعفاء ويستثني أصحاب المناصب والنفوذ وتعيش المرأة تهميشا وإقصاء كبيرين في مجتمع ذكوري تسوده النعرات الطائفية والقبلية والدينية ويحكمه التعصب والجهل والفوضى ...
وينشأ الناس على الخوف والكبت والحرمان فلا حريات مكفولة ولاحقوق مضمونة ولا قانون يسود بين جميع الناس فيتعطل التفكير ويجمد الإبداع وترى الناس عاجزين عن إبداء آرائهم بكل حرية بل ويبررون المنطق باللامنطق ويميلون للشعوذة والدجل واللا معقول ويخلطون بين الأمور ويستندون على أفكارموروثة خرافية ليسوا مقتنعين بها في حواراتهم ونقاشاتهم ... ويمررون جهلهم لأطفالهم وهكذا دواليك ..

غياب الديمقراطية والحريات هي السبب الرئيسي ؟؟

في دول تفتقر لأبسط مقومات المجتمع المدني وتغيب فيها الحريات الفردية ويمارس على الناشطين الحقوقيين شتى أصناف التنكيل والقمع وتنتشر فيها البطالة والرشوة والبروقراطية وتهرب منها الأدمغة ويغامر فيها الشباب بحياتهم للهروب منها ... وفي دول تتوارث فيها الحكم فئة جاهلة ومستبدة تتلاعب بمصالح شعوبها الحيوية وتتاجر بقضايا الأمة وتركع أمام العدو .... وفي دول تقصي نصف المجتمع وتهمش القضايا المصيرية وتهتم بالقضايا التافهة والمصطنعة ... فكيف ثم كيف ثم كيف لها أن تتقدم وتتطور وتواكب سير التقدم والحضارة ؟؟؟
وشتان بين دولة تقدس العلم والعمل ودولة تقدس الجهل والتخلف ....
هذه مقاربتي للأشياء واعذروني إن كنت قاسيا في حكمي إو متشائما في طرحي ... لكن ببساطة هذه هي الحقيقة المرة التي يجب الإصداع بها عسى أن نجد حلولا ناجعة وفعالة لهذه المشكلات ولنتذكر دائما وأبدا أننا كنا في وقت من الأوقات " خير أمة بعثت للناس " .

وشتان بين دولة تقدس العلم والعمل ودولة تقدس الجهل والتخلف رغم أن الله أنعم علينا بأكبر نعمة وهي نعمة الإسلام الذي يحث الناسعلى طلب العلم والعمل والجهاد وينبذ هذه الأشياء ... لكن أيننا نحن من مبادئ الإسلام ونوره وهديه ؟؟
الرجوع الى أعلى الصفحة اذهب الى الأسفل
((محمد أكـرم))
المدير العام
المدير العام
avatar

عدد المساهمات : 2547
تاريخ التسجيل : 03/01/2010
العمر : 38

مُساهمةموضوع: رد: ما سر تقدم الغرب وتخلف العرب ؟   السبت مارس 20, 2010 4:44 pm

لا تعليق

_________________
أكثر مآ احتقره استهزآء بعض التآفهين بشيء أفتخر به
خصوصياتي ’’ لهجتي ’’ أصولي ’’ مبآدئي ’’ أسلوبي ’’
رغــم هَـذآ . . .،،،،
أحـآول ﭑنْ لٱ ألوّث لـساني بالرد عليهم



تواصل معنا على الفيس بوك

http://www.facebook.com/#!/pages/%D9%82%D8%B1%D9%8A%D8%AA%D9%86%D8%A7-%D8%A7%D9%84%D8%AC%D8%AF%D9%8A%D8%B1%D8%A9/156965197690413
الرجوع الى أعلى الصفحة اذهب الى الأسفل
http://aljadera.ahlamontada.com
محمد هندي
عضو فعال
عضو فعال


عدد المساهمات : 636
تاريخ التسجيل : 23/01/2010
العمر : 33

مُساهمةموضوع: رد: ما سر تقدم الغرب وتخلف العرب ؟   السبت مارس 20, 2010 6:09 pm

محمد اكرم ما بدو يعلق لسبب بسيط :
انك من ابداية ما قرات الموضوع ولا ناوي تقراو لانو ما في امكانية انك تقتنع في هدا الكلام
يا اخ محمد هذه المواضيع الحساسة بعض الشيء مش لازم اننا نأنف من قراءتها لانها بتحكي عننا , محمد انا عربي زيي زيك يعني انا مش سويدي ولا نمساوي وبعاير فيك و متباهي في الغربيين وخزيان من العرب لا بس لازم نفهم حقيقتنا شو كنا وشو صرنا والعكس طبعا شو اهم كانو وشو صارو
لازم نعرف وين نقاط الضعف عندنا ونحاول انعالجها ونشوف شو نقاط القوة عندنا ونعززها لاني لما اقراء عن العرب سابقا والله اشي محزن مع عربنا اليوم
وهذا هو ارجو انك تكون فهمت قصدي
الرجوع الى أعلى الصفحة اذهب الى الأسفل
بنت البلد
عضو نشيط
عضو نشيط


عدد المساهمات : 101
تاريخ التسجيل : 11/03/2010

مُساهمةموضوع: رد   السبت مارس 20, 2010 6:31 pm

مشور اخ محمد على الموضوع وهي مش قصة تشائم ولا قساوة بالطرح القصة انو ما بدنا حد يذكرنا بخيبتنا يعني ما في مجال نتقدم لانا ازا تقدمنا خطوة للامام بنرجع عشرة لورا بيحكمنا الجهل والتخلف وعادات بالية اكل الده عليها وشرب ,تخلف بالتعليم يعني المناهج مابتفيد بشي بس المهم يعبو راس الطالب باكم من معلومة ولو قديمة, والمرأة سيبك منها ومن حقوقها طاسة وضايغة بالهدنية,والقانون بايد ناس مابيعرفوا ايطبقو الا على الضعيف,والعلم محصور بناس تركت البلد,يعني من لالخر بلد وعرب بلا مستقبل ومتل ما حكيت بنبكي على الاطلال والامجاد,بس لو بنطبق لالسلام والشرع كنا اكيد شي تاني.اعذرني طولت الحديث بس هو طويل وشائك لوحدة تقبل مروري .
الرجوع الى أعلى الصفحة اذهب الى الأسفل
محمد هندي
عضو فعال
عضو فعال


عدد المساهمات : 636
تاريخ التسجيل : 23/01/2010
العمر : 33

مُساهمةموضوع: رد: ما سر تقدم الغرب وتخلف العرب ؟   السبت مارس 20, 2010 6:46 pm

اشكرك يا اخت بنت البلد على التعليق المفيد بس انا الاشي اللي بقهرني انو الاعضاء بجاوبو بعصبية مش انتي طبعا على هيك مواضيع وبكونو يكابرو ويحكو ومقتنعين بمعلومات خطأ هدا الاشي اللي بجلط
مشكورة جدا على المرور والتعليق
الرجوع الى أعلى الصفحة اذهب الى الأسفل
ابو ايهم
المراقب العام
المراقب العام
avatar

عدد المساهمات : 1022
تاريخ التسجيل : 13/01/2010

مُساهمةموضوع: رد: ما سر تقدم الغرب وتخلف العرب ؟   السبت مارس 20, 2010 6:50 pm

السلام عليكم
ان الغرب لا يسبقونا في شي ولكن هم الذين اعتمدو على الكتاب الكريم والسنه النبويه في كثير من حياتهم العلميه والعمليه ولكن سبب تاخرنا بعض الشي هو كثرة نزاعاتنا السياسيه وتحقيق اغراض شخصيه على حساب بعضنا البعض وتناسي وهجران كتابنا وسنتناالنبويه والانغماس في ملذات شخصيه ممكن ان يكون سبب تاخرنا وعدم مواكبتنا للعصر .

وافضل ما اقول الحمد لله على نعمة الاسلام
يعني يكفينا اننا نتفوق في ديننا عليهم
كما اذكرك في حال الدول الاوروبية ايام الدولة الاسلامية ( العثمانية ) كيف كان حالهم وكيف كان حال المسلمين ولكن عندما بدأ المسلمين بالتلاشي عن دينهم والانغماس في الملذات والمصالح الشخصية اصبحنا دون كل شعوب العالم

وشكرا لكم

_________________
الرجوع الى أعلى الصفحة اذهب الى الأسفل
محمد هندي
عضو فعال
عضو فعال


عدد المساهمات : 636
تاريخ التسجيل : 23/01/2010
العمر : 33

مُساهمةموضوع: رد: ما سر تقدم الغرب وتخلف العرب ؟   السبت مارس 20, 2010 7:16 pm

اشكرك يا اخ منتصر على ردك وانا اوافقك على رايك لانو الدين ما في اشي اهم منو لكن كما قالت الاخت بنت البلد سابقا ان التعليم عندنا ما بنتعلم بالشكل الصحيح والفعال واذا طلع واحد من عندنا فهمان زي في بنت في بلدنا جابت في التوجيهي 98.3 في التوجيهي شو كان رد فعلنا عادي اووووووووه قلنا ما شاء الله حدا اهتم فيها ؟
الجواب لا راحت البنت زيها زي اي طالب جاب 70 ولا 65 سجلت في الجامعة ودرست اشي عادي ...لكن لو في حدا يهتم فيها مش كان وضعها احسن من هيك ما حدا يحكيلي هب اللي اختارت وهي بدها هيك اصلا محدا كان قلقان فيها
بعدين كمان تعليق عن الدراسة بتذكر يا منتصر لما كنا نمشي مع استاذ جمال استاذ الفيزياء منشان نسليه في الطريق عشان يزيدنا علامات في الفيزيا ولا ما صار هدا الحكي ؟


عدل سابقا من قبل محمد هندي في السبت مارس 20, 2010 9:53 pm عدل 1 مرات
الرجوع الى أعلى الصفحة اذهب الى الأسفل
شمعة الجديرة
عضو جديد
عضو جديد


عدد المساهمات : 49
تاريخ التسجيل : 23/01/2010
العمر : 38

مُساهمةموضوع: رد: ما سر تقدم الغرب وتخلف العرب ؟   السبت مارس 20, 2010 7:34 pm

الاخوان المشاركين في الموضوع ..... التاخر اكيد موجود .... والتخلف موجود ... والفقر موجود .... واحنا اسمنا دول العالم الثالث .... ما لازم ننسا هالحقيقة المرة وحاليا احنا بنشتغل عال الموضوع عشان نطور نفسنا مش عشان نظل نوكل في لحم حالنا ..... طالما احنا بنفكر معناها رح نتغير للاحسن
ما تفقدوا الامل احنا اليوم احسن كثيييير من زمن سيدي وسيدك وبالنسبة للدول الاوروبية ماهي المصاري بتسوي كللللللل اشي واحنا متفقين عا هالحكي ا
الرجوع الى أعلى الصفحة اذهب الى الأسفل
محمد هندي
عضو فعال
عضو فعال


عدد المساهمات : 636
تاريخ التسجيل : 23/01/2010
العمر : 33

مُساهمةموضوع: رد: ما سر تقدم الغرب وتخلف العرب ؟   السبت مارس 20, 2010 7:46 pm

انا معك يا شمعة بس مو المصاري اهم اشي اي في في دول الخليج مصاري اكثر من اوروبا بس الشاطر اللي بدو يخزن ولا ناسية انو كل واحد عندو بير نفط ومقفلو بقفل ملتي لوك عشان محدا يسرقو ......
لا يا عمي المشكلة مش في المصاري
الرجوع الى أعلى الصفحة اذهب الى الأسفل
((محمد أكـرم))
المدير العام
المدير العام
avatar

عدد المساهمات : 2547
تاريخ التسجيل : 03/01/2010
العمر : 38

مُساهمةموضوع: رد: ما سر تقدم الغرب وتخلف العرب ؟   الأحد مارس 21, 2010 5:12 pm

اخي الكريم محمد الهندي المحترم

انت تعلم علم اليقين انه ما في موضوع بنطرح هون او في من زوايا المنتدى الا وقرأته بطريقه تجلعني ادرك المراد بها

لذا انا اردت التوضيح

لقد قررت عدم التعليق على الموضوع لاسباب كثير وعده ومنها

الاول انك تجلب دائما مخواضيع اقل ما يقال فيها انك تريد تقليد الغرب

الثاني انك تريدا ان نجلد انفسنا ونتباكى على اعمالنا

الثالث انك غير مدرك السبب الرئيسي في الفروقات

اخي العزيز السبب الرئيسي هو ابتعادنا عن الدين

فبدل ما تطلب منا ان نقلد الغرب فكل شيء موجود في القران الكريم

يعني المساواة بين الرجل والمرأه كفلها رب العالمين في كتابه الصادق

ولم تكفلها حكومات او انظمة او اشخاص

هناك امور صحيحة ذكرت ولكن هل سألت نفسك لماذا وصلنا الى هذه الحاله

عندنا حب الذات والاهم من ذالك عندنا التعصب القبلي الذي نهى عنه الرسول

يعني لو صارت انتخابات في الجديرة للمجلس القروي وفلان من عائله صغير رشح نفسه لسقط سقوط مدوي

السبب في ذلك ان ابن عيلتي ابدا منو لو كان مش متعلم وهناك الكثير من الدلائل

محمد الموضوع يطول فيه النقاش

ما انصحك به هو النقاش والنقد البناء فلا تكن من اصحاب النقد الهدام

وبالنسبة لي للحديث بقية

لك الاحترام والموده

_________________
أكثر مآ احتقره استهزآء بعض التآفهين بشيء أفتخر به
خصوصياتي ’’ لهجتي ’’ أصولي ’’ مبآدئي ’’ أسلوبي ’’
رغــم هَـذآ . . .،،،،
أحـآول ﭑنْ لٱ ألوّث لـساني بالرد عليهم



تواصل معنا على الفيس بوك

http://www.facebook.com/#!/pages/%D9%82%D8%B1%D9%8A%D8%AA%D9%86%D8%A7-%D8%A7%D9%84%D8%AC%D8%AF%D9%8A%D8%B1%D8%A9/156965197690413
الرجوع الى أعلى الصفحة اذهب الى الأسفل
http://aljadera.ahlamontada.com
محمد هندي
عضو فعال
عضو فعال


عدد المساهمات : 636
تاريخ التسجيل : 23/01/2010
العمر : 33

مُساهمةموضوع: رد: ما سر تقدم الغرب وتخلف العرب ؟   الأحد مارس 21, 2010 6:20 pm

شكرا لك اخ محمد اكرم ولكن اريد ان اعقب على تعليقك :
انت تقول الدين والقران وابتعادنا عن الدين وما الى ذلك وانت علقت على موضوع اخر ولا تحكي فيه الا عن الدين اوكي ممتاز انا مع الدين والي شرف كبير والحمدلله اني مسلم
لكن الغريب في الموضوع انه ليس السبب الرئيس الدين لانك انت حكيت عن المرأة وانو ربنا بكفلها هدا احسن من كل اشي ماشي يا عمي انا معك بس احترام المرأة في الغرب ناتج ليس عن التزامهم بدينهم بل ناتج عن اتباع قوانين الكل ملتزم فيها ولا علاقة للدين في ذلك الامر ايضا النمو الفكري عند الشعوب الغربية ليس له علاقة في الدين .
ايضا يا محمد اكرم النظام والاتزام في الدور في اي شيء هل تقول لي ما علاقة ذلك في الدين ؟؟؟؟!!!!
اللي شايفو انا انك بتدعو اننا نتقرب الى الدين والالتزام الصحيح في الاسلام وهيك حسب ظنك ممكن نصير احسن وافهم ناس في العالم ... اعتقد انك بتدعو لهيك اشي
وانا اول واحد معك ,
لكن الالتزام في الدين متل ما بتحكي بدنا نتبع نقاط كثيرة واهمها
يالله يا سيدي ننسى جميع الاحزاب وننسا وضروري ننسا اشي اسمو فتح وحماس وكل اشي في كلمة حاخجل ونتبع قائد المسلمين سيدنا محمد صلى الله عليه وسلم
هاي اول خطوة لانو انا شايف بدك تقيم دولة اسلامية
هل انت تقبل بهذا الشيء ؟ شوف لو هذا القرار اتعمم على جميع الناس ممكن يوافقو لكن انت بالذات لا توافق ..... والباقي عندك
لاني لا اريد ان اطيل اكثر من ذلك
الرجوع الى أعلى الصفحة اذهب الى الأسفل
((محمد أكـرم))
المدير العام
المدير العام
avatar

عدد المساهمات : 2547
تاريخ التسجيل : 03/01/2010
العمر : 38

مُساهمةموضوع: رد: ما سر تقدم الغرب وتخلف العرب ؟   الأحد مارس 21, 2010 6:31 pm

ههههههههههههههههههه

والله يا ابو حميد الي ما فهم قصدك بحكي محمد اكرم ملحد

القصد من كلام محمد الهندي انه انا فتحاوي حتى النخاع

طبعا يا اخي سأقبل لان لم أرى حزبا سياسيا في الوقت الحالي يلبي طموحاتي غير هذه الجركة الي منتمي الها

اخي الكريم انت تعلق على الغرب لا يعامل المراه من المنظر اليديني ولكن من ناحية قوانين

وانا هون بناقشك في بعض الامور التي وصل اليها المسلمون

لماذا تخلفنا .. الجواب بالنسبة لي كان ولا زال وسيكون هو الابتعاد عن الدين

فمن لا يطبق الدين هل يا ترى سيطبق قانون وضعه بشر ّ!!!!!!

هل تعلم ما معنة ان تطبق نظام الزكاه !!! فهل سيكون هناك فقيرا في الكون !!!

هل تعلم ان القران قال الالاف السنين قال عن القمر كالعرجون القديم وحديثا اكتشفه الغرب !!!

هل تعلم أن الغرب لاد الجريمه !!! فهل ركزت على مقارناتك لهذه الامور

لماذا لا تكون ناقدا بناءا وتعطينا ما هو مفيد دون ان تجلد نفسك لانك عربيا

هل تتوقع لو أنك اصبحت في اوروبا والحديث ((بشكل جمع)) ستصبح عالما لانك في اوروبا

اذا وانا قلت بالامس ان الغرب لديه صفات ايجابية ولكن لا تعمم وتنتقد دون ان تعطي الحل

حديثك هو تركيز على بعض الامور السلبية وعامل فيها متل فيصل القاسم على الجزيرة

بحكي عن كل السلبيات بس ولا مره لقيتو بجيب حل للموضوع

بانتظار جديدك

_________________
أكثر مآ احتقره استهزآء بعض التآفهين بشيء أفتخر به
خصوصياتي ’’ لهجتي ’’ أصولي ’’ مبآدئي ’’ أسلوبي ’’
رغــم هَـذآ . . .،،،،
أحـآول ﭑنْ لٱ ألوّث لـساني بالرد عليهم



تواصل معنا على الفيس بوك

http://www.facebook.com/#!/pages/%D9%82%D8%B1%D9%8A%D8%AA%D9%86%D8%A7-%D8%A7%D9%84%D8%AC%D8%AF%D9%8A%D8%B1%D8%A9/156965197690413
الرجوع الى أعلى الصفحة اذهب الى الأسفل
http://aljadera.ahlamontada.com
محمد هندي
عضو فعال
عضو فعال


عدد المساهمات : 636
تاريخ التسجيل : 23/01/2010
العمر : 33

مُساهمةموضوع: رد: ما سر تقدم الغرب وتخلف العرب ؟   الأحد مارس 21, 2010 7:08 pm

في البداية اسمح لي ان اقول لك بانك غريب بعض الشيء !!!
لسبب رئيسي انت تدعوني بان اكون ناقدا بناءا ... هل النقد البناء يبدأ بضحكة ؟
انت تقول انك لم ترى حزبا رعاك ولا اي حد اهتم فيك ورعى مصالحك الا فتح يا ابن الحلال ما انت اللي بتقول انو رب العالمين بكفل اي بني ادم على وجه الارض يا اخي فرجيني ثقتك الواضحة في الاسلام هل تعلم ان رايك هذا يدل على الشرك بالله ؟ لا تقول لي لا بل نعم لانك متاكد من هذا الامر
الا تقول لي لماذا لم تجب على تعليقي من ناحية النظام يا اخي شو علاقة الدين في الاتزام في النظام ؟؟؟؟؟؟؟؟؟
بدي اجابة
ايضا انت تقول ان القران قال الالاف السنين قال عن القمر كالعرجون القديم وحديثا اكتشفه الغرب يا اخي ليش اللي ما اكتشفو هالامور هاي اصحاب القران ؟ احنا المسلمين لماااااااذا
ايضا انت تقول لي اذا ذهبت لاوروبا هل اصبح عالما وانا ساجيبك بكلمة لا باني لم اصبح عالما لكن غيري نعم سيصبح لانه يرى اهتمام واضح

تريد مني ان اعطيك حلولا لهذا الموضوع وانا ساعطيك حتى اكون كما تطلب مني
في البداية لا شك بالاتزام في الدين انا معك في هاي الشغلة لكن التزامنا في الدين عبارة عن خطوة واحدة فقط لا غير
ثانيا نسيان كل شيء اسمه حاخجل كما قلت لك
ثالثا تطبيق القانون على الرئيس قبل الرعية
رابعا الحرية في كل شيء باستثناء التجاوز عن الدين
خامسا الاهتمام في المرأة كما يعمل الغرب ( عدم تجاوز الدين )
سادسا الاتزام بالنظام
سابعا الاهتمام باصحاب العقول
هي اكم من حل هل نلتزم بحل واحد فقط فقط لا غير خليني اشوف ؟
الجواب لا نستطيع
الرجوع الى أعلى الصفحة اذهب الى الأسفل
((محمد أكـرم))
المدير العام
المدير العام
avatar

عدد المساهمات : 2547
تاريخ التسجيل : 03/01/2010
العمر : 38

مُساهمةموضوع: رد: ما سر تقدم الغرب وتخلف العرب ؟   الأحد مارس 21, 2010 7:15 pm

ابو حميد انا ضحكت لسبب طريقة حديثك عني في موضوع انه الكل رح يقبل الا انا

شي تاني ممكن تحكيلي خحضرتك من وين جبت هاي المقولة الي انا ما حكيتها
اقتباس :
انت تقول انك لم ترى حزبا رعاك ولا اي حد اهتم فيك ورعى مصالحك الا فتح يا
ابن الحلال ما انت اللي بتقول انو رب العالمين بكفل

لازم تقرأ منيح انا شو بحكي لحتى انت تقدر ترد على شي انا حكيتو مش انت تحكي انه انا حكيتو

وبالنسبة للاجابه هون

اقتباس :
يضا انت تقول ان القران قال الالاف السنين قال عن القمر كالعرجون القديم
وحديثا اكتشفه الغرب يا اخي ليش اللي ما اكتشفو هالامور هاي اصحاب القران ؟
احنا المسلمين لماااااااذا

ما انا بحكي المشكله بالبعد عن الدين مهو لو انهم مش بعاد عن الدين

شي تاني الدين ما بده حد يأكد الموضوع ربنا الي قالو في كتابه العظيم



_________________
أكثر مآ احتقره استهزآء بعض التآفهين بشيء أفتخر به
خصوصياتي ’’ لهجتي ’’ أصولي ’’ مبآدئي ’’ أسلوبي ’’
رغــم هَـذآ . . .،،،،
أحـآول ﭑنْ لٱ ألوّث لـساني بالرد عليهم



تواصل معنا على الفيس بوك

http://www.facebook.com/#!/pages/%D9%82%D8%B1%D9%8A%D8%AA%D9%86%D8%A7-%D8%A7%D9%84%D8%AC%D8%AF%D9%8A%D8%B1%D8%A9/156965197690413
الرجوع الى أعلى الصفحة اذهب الى الأسفل
http://aljadera.ahlamontada.com
الروح النقية
عضو برونزي
عضو برونزي


عدد المساهمات : 1148
تاريخ التسجيل : 18/01/2010

مُساهمةموضوع: رد: ما سر تقدم الغرب وتخلف العرب ؟   الإثنين مارس 22, 2010 5:18 am

السلام عليكم بس تخلصو منازعاتكم انت وياة برد على الموضوع احنا هون لنفيد بعض انت وياة مو لنتكاتل انا بعترض محمد ومحمد صلو على سينا محمد احسن شي وله بعدين بصفتى عضو ة فعاله بلغيكم من المنتدى هههههه مع الاحترام
الرجوع الى أعلى الصفحة اذهب الى الأسفل
ali hindi
عضو برونزي
عضو برونزي
avatar

عدد المساهمات : 1809
تاريخ التسجيل : 05/01/2010
العمر : 38
الموقع : الجديرة

مُساهمةموضوع: رد: ما سر تقدم الغرب وتخلف العرب ؟   الإثنين مارس 22, 2010 9:14 am

وانا مع الاخت الروح النقية
لنعد الى صلب الموضوع والنقاش والحوار البناء بدل من الطوشة الي عاملينها
وكانكم واحد من المانيا والثاني من ابصر من وين

http://www.youtube.com/watch?v=Vagn2g8iBXM

انا ما بدي اعلق على الموضوع الا بعد ما تفتحو على هالرابط

وللحديث بقية
الرجوع الى أعلى الصفحة اذهب الى الأسفل
((محمد أكـرم))
المدير العام
المدير العام
avatar

عدد المساهمات : 2547
تاريخ التسجيل : 03/01/2010
العمر : 38

مُساهمةموضوع: رد: ما سر تقدم الغرب وتخلف العرب ؟   الإثنين مارس 22, 2010 5:26 pm

للامانه انا بعد هالرابط ما رح احكي بالموضوع

فعلا اغبيـــــــــــــــــــــــــــــــــاء

لكم التحية

_________________
أكثر مآ احتقره استهزآء بعض التآفهين بشيء أفتخر به
خصوصياتي ’’ لهجتي ’’ أصولي ’’ مبآدئي ’’ أسلوبي ’’
رغــم هَـذآ . . .،،،،
أحـآول ﭑنْ لٱ ألوّث لـساني بالرد عليهم



تواصل معنا على الفيس بوك

http://www.facebook.com/#!/pages/%D9%82%D8%B1%D9%8A%D8%AA%D9%86%D8%A7-%D8%A7%D9%84%D8%AC%D8%AF%D9%8A%D8%B1%D8%A9/156965197690413
الرجوع الى أعلى الصفحة اذهب الى الأسفل
http://aljadera.ahlamontada.com
محمد هندي
عضو فعال
عضو فعال


عدد المساهمات : 636
تاريخ التسجيل : 23/01/2010
العمر : 33

مُساهمةموضوع: رد: ما سر تقدم الغرب وتخلف العرب ؟   الإثنين مارس 22, 2010 9:15 pm

انا كل اللي بدي احكيه انو عادي متوقع اشوف شغلات زي هيك لانو المذيع جاي على شلة اكم من واحد سكرانين في الشارع وبسأل فيهم شو رح يجاوبو ؟
الرجوع الى أعلى الصفحة اذهب الى الأسفل
ali hindi
عضو برونزي
عضو برونزي
avatar

عدد المساهمات : 1809
تاريخ التسجيل : 05/01/2010
العمر : 38
الموقع : الجديرة

مُساهمةموضوع: رد: ما سر تقدم الغرب وتخلف العرب ؟   الثلاثاء مارس 23, 2010 7:16 am

هههههههههههههههههه

ولك يا ابن الحلال هذا شعب مخدر شعب سكران شعب خالي
من المبادي والقيم والاخلاق شعب.................
فعلا ما في مقارنة !!!!!!!!!!!!!!!!
الرجوع الى أعلى الصفحة اذهب الى الأسفل
محمد هندي
عضو فعال
عضو فعال


عدد المساهمات : 636
تاريخ التسجيل : 23/01/2010
العمر : 33

مُساهمةموضوع: رد: ما سر تقدم الغرب وتخلف العرب ؟   الثلاثاء مارس 23, 2010 6:14 pm

[b]هو هووووووووو جايبينلي 10 ولا 15 واحد من اوباش اميركا وبدهم يقنعوني انهم بمثلو كل الشعب يا جماعة اميركا اكثر من 300 مليون شخص خلي منهم 250 حمير وبعرفوش يكتبو اساميهم بظل 50 مليون ال 50 هذول لحالهم كافيين انهم يحلو جميع مشاكل اميركا

الاشي الثاني والاهم : انتو لييش مركزين على اميركا لحالها ليش ناسيين اوروبا ( فرنسا والسويد والمانيا ) ولكم اليابان ليش ناسيين اليابان ؟؟؟؟؟؟ متل ما بتحكي يا محمد اكرم ما تعممو[/
b]
الرجوع الى أعلى الصفحة اذهب الى الأسفل
الروح النقية
عضو برونزي
عضو برونزي


عدد المساهمات : 1148
تاريخ التسجيل : 18/01/2010

مُساهمةموضوع: رد: ما سر تقدم الغرب وتخلف العرب ؟   الأربعاء مارس 24, 2010 5:27 pm

Crying or Very sad
الرجوع الى أعلى الصفحة اذهب الى الأسفل
شمعة الجديرة
عضو جديد
عضو جديد


عدد المساهمات : 49
تاريخ التسجيل : 23/01/2010
العمر : 38

مُساهمةموضوع: رد: ما سر تقدم الغرب وتخلف العرب ؟   الثلاثاء مارس 30, 2010 12:31 am

يا اخ محمد ................انهي الموضوع يا عمي والله كل الناس خير وبركة ...........

الرجوع الى أعلى الصفحة اذهب الى الأسفل
ابو ايهم
المراقب العام
المراقب العام
avatar

عدد المساهمات : 1022
تاريخ التسجيل : 13/01/2010

مُساهمةموضوع: رد: ما سر تقدم الغرب وتخلف العرب ؟   الثلاثاء مارس 30, 2010 4:34 pm

انا مجددا

فيه نقطة نسيت اوضحها يا هندي

يعني مثلا انو انا سمعت انه اول عملية جراحة قلب عملها دكتور عربي مسلم
وانه اكبر 4 مهندسين في شركة ميكروسوفت عرب
وانه في كثير من انجح الاطباء في مستشفيات المانيا واميركا بكونو عرب
وفيه كمان دكاترة جامعات اجنبية عرب
حتى في واحد من بيرنبالا عايش في اميركا دارس فيزياء نووية ومانعينه يروح على بلده الا برقابة مشددة

هذول الناس بدرسوا في دول اجنبية والدول هاي بتقدملهم عروض عمل مغرية عمرهم ما بلاقوها في بلادهم عشان هيك بظلوا في الدول الاجنبية وهذا نوع من الاستعمار الفكري (ان جاز التعبير)

وفي ميثال وااااااااضح جدا وانتا ما بتقدر تنكرة هلكيت خطيبتك لما تخلص دراسة انشاء الله هل عندها استعداد تشتغل في مستشفى رام الله Very Happy او بلاش رام الله مستشفى الرعاية بتقبل ؟؟؟؟

جاوبني بصراحة
معناها الغلط مش من انظمتنا وقوانينا الشغلة شغلة انه الدول الاجنبية بتستقطب عقولنا البشرية لصالحهم عشان يظلوا مسيطرين على العالم وخصوصا العالم العربي

مشكورين جميعا

_________________
الرجوع الى أعلى الصفحة اذهب الى الأسفل
ali hindi
عضو برونزي
عضو برونزي
avatar

عدد المساهمات : 1809
تاريخ التسجيل : 05/01/2010
العمر : 38
الموقع : الجديرة

مُساهمةموضوع: رد: ما سر تقدم الغرب وتخلف العرب ؟   الأربعاء مارس 31, 2010 7:44 am

وما تنسى ان اليابان والصين وكوريا واللهند

نعم صحيح دول منها النامية ومنها عقول مدبرة وصنعو اذكى القنابل على الاطلاق

قنابل الذرة والنووي

بس تخيل كديش تفكيرهم محدود بالنسبة لدينهم

الي بعبد صنم والي بعبد بقرة والي بعبد الارواح الشريرة والي ما بعبد اشي

والي بعبد خليلي

ههههههههههههههههههههههه

خليلي؟؟؟؟؟؟؟؟؟؟؟؟؟؟؟؟!!!!!!!!!!!!!!!

الله اكبر عليهم يا ابن الحلال
الرجوع الى أعلى الصفحة اذهب الى الأسفل
الروح النقية
عضو برونزي
عضو برونزي


عدد المساهمات : 1148
تاريخ التسجيل : 18/01/2010

مُساهمةموضوع: رد: ما سر تقدم الغرب وتخلف العرب ؟   الأحد أبريل 04, 2010 4:27 am

خليني ساكته احسن لانو اذا حكيت بطروني من المنتدى
الرجوع الى أعلى الصفحة اذهب الى الأسفل
محمد هندي
عضو فعال
عضو فعال


عدد المساهمات : 636
تاريخ التسجيل : 23/01/2010
العمر : 33

مُساهمةموضوع: رد: ما سر تقدم الغرب وتخلف العرب ؟   الأحد أبريل 04, 2010 4:55 am

انا بشكر الجميع طبعا على الردود بس بدي اعلق كمان مرة على رد منتصر
اخ منتصر انت حكيت كلام والله مزبوط وبشهدلك بس زي مكال ابوي هل يا ترى انهم هدول الناس العرب اللي سميتلي اياهم واخترعو ا كل هاي الاختراعات بالله من عقلك انت بتعتبرهم عرب اللي سيد سيدو الواحد منهم مولود في اوروبا ولا اميركا اي هو ظل منو ذرة عربي ؟؟؟؟؟؟؟؟؟!!!!
كمان في شغلة عجبتني منك لما حكيت عن خطيبتي انت سألتني بخليها تشتغل عنا في فلسطين ولا لأ ؟ ؟ انا بحكيلك لأ لكن والله العظيم والله العظيم انها حكتلي بس خليني اخلص اللي انا مخططلوا وبعدها اذا بتخليني اشتغل في مستشفى رام الله والله ما رح ترفض طبعا هدا حكيها هي بس انا طبعا رح احاول اخليها تشتغل في مستشفى مرتب بس عشان انا اكون مرتاح بس ولا الشغلة مش شغلة تشتغل هون ولا برة وهدا هو

احترامي لكم جميعا
الرجوع الى أعلى الصفحة اذهب الى الأسفل
محمد هندي
عضو فعال
عضو فعال


عدد المساهمات : 636
تاريخ التسجيل : 23/01/2010
العمر : 33

مُساهمةموضوع: رد: ما سر تقدم الغرب وتخلف العرب ؟   الإثنين مايو 17, 2010 8:24 pm

اخ علي ما بدنا نحكي في الدين لسبب :

انت وانا وغيرنا مسلمين ومؤمنين بالله لانو اجدادنا مسلمين

ولو انو اجدادنا مسيحيين ولا بوذيين كان الله اعلم شو بنعبد !!!

يعني احنا مسلمين بالوراثة فقط لا غير

ويا ريتنا بنطبق الدين ...
الرجوع الى أعلى الصفحة اذهب الى الأسفل
ابو ايهم
المراقب العام
المراقب العام
avatar

عدد المساهمات : 1022
تاريخ التسجيل : 13/01/2010

مُساهمةموضوع: رد: ما سر تقدم الغرب وتخلف العرب ؟   الثلاثاء مايو 18, 2010 5:24 pm

والله مني عارف شو اقلك

والله لو كل العالم يعبدوا العجل او النملة الا اصير ملحد وانكر الدين من اساسه

لاني ما بقتنع انو النملة تكون رب او اله الي

مشكورين جميعا

_________________
الرجوع الى أعلى الصفحة اذهب الى الأسفل
محمد هندي
عضو فعال
عضو فعال


عدد المساهمات : 636
تاريخ التسجيل : 23/01/2010
العمر : 33

مُساهمةموضوع: رد: ما سر تقدم الغرب وتخلف العرب ؟   الثلاثاء مايو 18, 2010 5:34 pm

والله يا منتصر لما تشوف كل العالم بتبعوا طريقة معينة للعبادة غصب عنك غير تصير متلهم ..
اعتبر حالك في الهند يا اخي شو بدك تعبد ؟

اصلا ما في مجال تفكر في الدين خصوصا لما تشوف الدكتور والاستاذ وكل الفئات المتعلمة متبعة طريقة في العبادة بتصير تحكي اي هو انا افهم منهم لا يا عمي بدي احط راسي بين هالروس ...
الرجوع الى أعلى الصفحة اذهب الى الأسفل
عيون الليل
عضو مميز
عضو مميز


عدد المساهمات : 856
تاريخ التسجيل : 17/04/2010
العمر : 37

مُساهمةموضوع: رد: ما سر تقدم الغرب وتخلف العرب ؟   الإثنين يونيو 07, 2010 5:39 am

بالنسبه الي انا شايفه ان العرب لا متخلفين ولا على بالهم

بدليل فيه عندهم مستشفيات وجامعات ومكتبات

واماكن سياحيه وسيارات ومدارس وفيه عندهم























مساجد


ما بكفي؟؟؟؟؟؟؟؟؟
الرجوع الى أعلى الصفحة اذهب الى الأسفل
 
ما سر تقدم الغرب وتخلف العرب ؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 2انتقل الى الصفحة : 1, 2  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
منتديات الجديرة  :: منتديات الجديرة العامه :: منتديا الحوار والنقاش-
انتقل الى: