لما تجيك دعوة الى حضور حفل زفاف لاحد الاشخاص
فإن الحريم في المنزل يعلنون حالة الطوارئ في اليوم الموعود
فتلقاهم صافين طابور عند باب الحمام
.. من أجل أخذ دش بارد <<< لانهم مؤمنات بالقاعدة الفيزيائية
التي تقول : ان الاجسام تتقلص بفعل البرودة
ثم يهبون الى غرفة العمليات فتحصلهم مايخلون مراية في حالها ..
فتلقى منيرة عند مراية التسريحة تتمكيج
وخلود عند مراية الدولاب تركب عدساتها
ومها عند مراية المدخل حق البيت تستشور شعرها
وفاطمة محتارة أي فستان تلبس وكلما اختاروا لها فستان .. قالت : لا .. قد شافوه عليّ
ورغد تترجى اخوها : بعينك الله ودي فستاني للمغسلة وقول لهم يخلونه مستعجل
وابتسام متوهقة مالقت الحلق اللي يناسب لون فستانها
وشوق تقول لاخوها : تكفى مر على جارتنا وخذ من عندها الاكسسوار التفاحي
ورنا .. انفرط سحاب فستانها .. وتبي الخياط يصلحه <<< والله من السمنة الزايدة
وصجة .. ولجة .. وحوسة ...
وكلهم في سباق مع الزمن ..
( طبعا ياعيني عالرجال .. ثوب وشماغ .. وانتهت المشكلة طبعا هو الي بحظرهن)
بعد ذلك
.. يركبون السيارة بعد ما بح صوت ابوهم وهو يناديهم ..
والمصيبة اذا اخذوا مسافة بالسيارة وجتك فاطمة تشهق شهقة قوية
.. ويقولو :شوووووو في وترد عليهم : نسيت شنطتي بعينك الله يابا رجعنا للبيت
وبعد عناء طويل يصلون الى القصر ويدخلون
ومن يوم تبدأ مغنيةبقرع الطبول تلقى الوحدة تهزّ ..
وتهتز وهي لسّا باقي على الكرسي
ثم يتوافدون إلى المسرح وشف الرقص كيف
اللي تحط رجلها من شرق المسرح الى غربه ولا احد يدري وش بلاها
واللي تهز وهي واقفة مكانها بركادة .. وعلى بالها أنوثة ..
وتعال شفهم اذا غنت المغنية.. ( يالتكسي )
وقالت : وخذ يمين وبعد يمين ..
تلقا الحريم فعلا ماخذين اللفة يمين في يمين <<< طبعا من غشامتهم ..
يتصاقعون في بعض
والوحدة فيهم بتتشقق من الفرحه اذا جت مغنية بجنبها وقالت :
( يا احمر يا احمر .. عاشو .. على قلبي ) << طبعا الافندية فستانها احمر ..
وتلقا ثنتين هناك يرقصون نفس رقص العراقيات في ( عرب شمّر )
وطبعا العجايز منصدمات ..
ومافيه الا قوة دعاوي على هالبنات
واذا جت اغنية مصرية ..
تلقا الاغنية والايقاع في وادي .. والرقص في واد آخر الا من رحم الله .. << واللي تعرف ترقص مصري ..
تلقى البنات يتشحثونها تقوم وهي ترفض ..
طبعا من حقها ..
تخاف يصكونها بعين على كيفك
اذا قال صاحب الديجي : ( رقصة خاصة لاهل العروس )
يستلجون اذا قالت : ( كل آل ' فلان ' خيّالة )
****** وهم في الحقيقة .. لم يركبوا حصانا قط ..
منقول لعيونكم
موضوع: حال البنات في الاعراس 
الثلاثاء يناير 26, 2010 9:47 am
