منتديات الجديرة
اهلا وسهلا بكم في منتديات الجديرة ،،، هذا المنتدى يتكلمفي بعض جوانبه عن قرية الجديرة الواقعه شمال غرب القدس والذي عزلها الاحتلال الاسرائيلي من التواصل مع القدس الشريف ومن يريد متابعتنا اكثر يتفضل بزيارتنا على صفحتنا على الفيس بوك تحت اسم ( قريتنا الجديرة )https://www.facebook.com/pages/%D9%82%D8%B1%D9%8A%D8%AA%D9%86%D8%A7-%D8%A7%D9%84%D8%AC%D8%AF%D9%8A%D8%B1%D8%A9/156965197690413



 
الرئيسيةالبوابةالتسجيلدخول

شاطر | 
 

 حوار بين جيل العباة وجيل الكوتسيم..

اذهب الى الأسفل 
كاتب الموضوعرسالة
sawt falasteen
عضو نشيط
عضو نشيط
sawt falasteen

عدد المساهمات : 181
تاريخ التسجيل : 18/01/2010

مُساهمةموضوع: حوار بين جيل العباة وجيل الكوتسيم..   الجمعة يناير 29, 2010 5:16 am

سوف أغنيكم:

هناك امور وتصرفات يصعب على اي احد لا يعيش حياة القرى فهمها وبسبب سياسات التجهيل والفقر وقلة التعليم كانت هناك مفاهيم اجارنا الله فيها يجب التخلص منها بل ومحاربتها .
ومن جملة هذه المفاهيم المغلوطة قول المسنين الختياريه والختيارات:

ساق الله على ايام زمان-ولاننا الخلف بنتحسر على ما فاتنا لرزانة رايهم وتجربتهم ولا اعرف اصل الكلمة انما مفهومها هو الحنين والشوق لهذه الايام.

والسؤال يا ختيارية- ساق الله على ايش: علقمل والسيبانوالا علغفر اللي كنتو مسمينهن نسوان – والا على ريحة الثنيان – والا علعبة الفنجان – والا عسرقة الجاج والخرفان- ؟؟

غضوا الختيارية وجمعوا حالهم ورا الجامع وسكروا الطريق وتهيأوا لبهدلتنا وإجينا اندافع عن آرائنا في مناظرة بناءة ولكم ان تحكموا.
أحد الختيارية : انت يا مصرمج شو اللي مش عاجبك في تاريخنا ( مصرمج تدل على الوقاحة وقلة الادب )
لولد : اول شي يا سيدي تعرف الحضارة بنفسها وانت يا سيدي لما تطرب في الدبكة شو اتقول –شو اقول ولك....بكيت تقول ( ياللي طرمبيلتش بنشر في البكعة حطيني بحظنتش كتلتني السكعة ) وانا مش فاهم شو بتسوي في البكعة في هسكعة ولا انت يا سيدي مبرد شو بدها فيك إم طرمبيل مبنشر وانا مش عارف اذا إنت يا زلمة داير مشلح في البكعة من وين الها طرمبيل ولعله كناية عن اي ركوبه مثل :بغل ,حمار .....وما دام بنشر يعني وكع بدل ما تعمل شهم وتساعدها صرت بدك اتحط حالك في حظنها.


وشو اخرى يا مصرمج مش عاجبك.؟
ياللي مشطى بسنان العقرب لو اطيري في السما من دمك لشرب ( جهت عليكم الله ما بتبادر لذهنك انهم مصاصين دماء)

ختيارة – والله بكوا يقولوا ازود وزود
الولد – اهلا وشهد شاهد من اهله خلينا اناقش الحجة وتستعيد الها يوم كامل من حياتها .

ختيار – بس والله ان اتوهرفت في الحكي علحجة لفغر راسك
لاه يا سيدي انتوا على راسي بس بحب اقولك انت مسميها الحجة وهي ابتعرفش تتوضا –انساك من حكم الغسل وغيره.....

وساخبرك يا سيدي بحوار اذكره مع الحجة واحدى جاراتها.

كانت الحجة تازلة طلت عليها ام فلان من باب دارها وقالتلها وين نازلة ابتعرمي – صاحت فبها الحجة ومعرمش ليش سلامة جوزي ورجالي كالتلها ام فلان مالك انا بلكش معك بس ثوبك اجديد ومليح قلت اكيد انت إمدنة .

الحجة – ايملح ثناك ويخلي طناك ,تفظلي اشربي كهوة
ما تشوفيش دهوه.
- يله بخاطرك
- مع السلامة
- الله يسلمك
الولد – مدّنت الحجة وتحوجت وطبخت وقعدوا علعشا والحجة مشهورة بالخبز المفرود بدلي رغيف رغيف ناولت كل واحد رغيف وحطت رغيف في حجرها وقعدوا يغمسوا وبعد شوي الحجة بدور في حجرها فكركم عليش بدور على غطاة القلم ولا وقعت الفلاش مموري؟ بدور وين راح الرغيف مش مصدقة انها صارت مخلصته ناولوها اخرى نص رغيف لحست كل الي ظايل لمت كل الصحون في الصنية وبزرت باكي الزتونات كامت اظب الصفرة وفي الطريق ادشت الله وكيلكم نكز الكلب وعبر في البرميل فكر أسد ولا غول .

واذا راحت الحجة على عروس شو بتكول
الحجة – والله هذا الولد كارح شو بكول يا صفر يا لاوي يا ابو معدة كاته

الولد – اسمعتي بتقولي لمرك من باب الكهوة والعصر ماني مهمومة .. الخ.

والي بعرفه ان المرور من باب الكهوة لا هو عيب ولا حرام ولا ممنوع فما هو وجه التحدي وشي ثاني بتكولي |(ليش يابن عمي تتاخذ علي وانا بنت عمك وانا الأوليه وانا السمن الاصفر عفوك الهيطليه) اتعجبت من مدحك لنفسك ووصفك بالمسن الاصفر عفوك الهيطلية وانا مش فاهم شو بعنيلك هالحكي بمجرد اني اتخيل منظر السمن على الهيطلية بستفرغ بكز بتكلعط

الحجة – دموي الي اتتشتتك وشو اخرى

الولد – لسه ما كملتش ما كملتش بتكولي والله لطلكك ووخذ بدالك والبس واتلبس واكعد اكبالك واجعل طريكي من باب دارك

الحجة – والشو مش عاجبك يا مصلكط في هالكلام

الولد – إنتي بتكولي والله لطلكك ليش هي العصمة بإيدك وتوخي بداله منين اذا ابن عمك عرك عينك اتجوز عليك أنوا الي بدو يوخذك وتلبسي وتتلبسي شو ياختي مهن ثلاث ثواب وواحد مناجل واحد عرق النفنوف وواحد عرق الطاووس والثلاث كاتات وازهكتهن وتقعدي اكباله ليش اما حكى يعني تجعلي طريقك من باب داره ليش بلديه انتي بتشقي طرق كيف بدك \

الحجة – والله ما خلفتوا غير كثرة الحكي والله عمرك ما بتكيد اولاد جيلك

الولد- حجة ليس ما كملتش

الحجة – يي يي هذا جرسنا هالغظيب

الولد – هدول النسوان زمان كانوا يلبسوا كندره صب كوشوشك وما كان واصل اختراع الجربان فبعد ما تلبسها عشرين خطوة تعرق وتصدر اصوات مؤنسه في الطرق وتغطي على أي اشي وتقي من الاحراجات

الحج – والله عفارم عليك فشيت غلي

الولد – لسه يا سيدي عمرك شوفتها بتغسل رجليها من اللبص وبتحت في كعبها في الطوبة جمب العين ولا عمرك شوفتها بتحك في ظهراها على حيط الشبريز ولا عمرك شوفتها بتمشط في المشط الي بكحط وبطول في بلاوي ولا عمرك شوفتها بتنكش في اسنانها في اصبعها ولا بتنف في شريطه وبتحطها في عبها ولا .....

الحج – خلص خلص خلص ولك ان طيرتها في راسي برميها في الحاوية هلكيت يا بدفنها طيبه خليكم تعذرونا احنا بنقول ساك الله ايام زمان فكرناكم مش عارفين اشي اطلعتوا كأنكم معنا عشان ما نعترف بفشلنا وغلبنا وبعد هالمره عمري ما بكول هالكلمة

الولد – لسه يا سيدي الدور جاي عليك ولكن في الحلقة القادمة
للحديث بقيه ..............يتبع في الحلقة القادمة..ترقبوا المزيد [b]
الرجوع الى أعلى الصفحة اذهب الى الأسفل
((محمد أكـرم))
المدير العام
المدير العام
((محمد أكـرم))

عدد المساهمات : 2547
تاريخ التسجيل : 03/01/2010
العمر : 39

مُساهمةموضوع: رد: حوار بين جيل العباة وجيل الكوتسيم..   الجمعة يناير 29, 2010 6:04 am

هههههههههههههههههههه


والله نهفه

بس للامانه انا حابب يكون للمصدر اسم ويون عضو معنا وبشرفنا كلنا وجودو عندنا

بس عجبتنا

اقتباس :
بعد شوي الحجة بدور في حجرها فكركم عليش بدور على غطاة القلم ولا وقعت الفلاش مموري؟ بدور وين راح الرغيف مش مصدقة انها صارت مخلصته

بس الي ما الو كبير ما الو تدبير

لسه كانو الختياريه يحكولي على ايام الكوبنيه

يا ريت تحكيلنا عنها

وارجو من كل المشاركين القراءه قبل الرد لانها قصة حلوة

تقبلوا مروري

_________________
أكثر مآ احتقره استهزآء بعض التآفهين بشيء أفتخر به
خصوصياتي ’’ لهجتي ’’ أصولي ’’ مبآدئي ’’ أسلوبي ’’
رغــم هَـذآ . . .،،،،
أحـآول ﭑنْ لٱ ألوّث لـساني بالرد عليهم



تواصل معنا على الفيس بوك

https://www.facebook.com/#!/pages/%D9%82%D8%B1%D9%8A%D8%AA%D9%86%D8%A7-%D8%A7%D9%84%D8%AC%D8%AF%D9%8A%D8%B1%D8%A9/156965197690413
الرجوع الى أعلى الصفحة اذهب الى الأسفل
http://aljadera.ahlamontada.com
free
عضو فعال
عضو فعال
free

عدد المساهمات : 651
تاريخ التسجيل : 13/01/2010
الموقع : aljadera.ahlamontada.com

مُساهمةموضوع: رد: حوار بين جيل العباة وجيل الكوتسيم..   الجمعة يناير 29, 2010 6:10 am

ههههههههههههههههههههههههههههه


اول شي مشكورة اخت فلسطين


خلص خلص خلص ولك ان طيرتها في راسي برميها في الحاوية هلكيت يا بدفنها طيبه خليكم تعذرونا احنا بنقول ساك الله ايام زمان فكرناكم مش عارفين اشي اطلعتوا كأنكم معنا عشان ما نعترف بفشلنا وغلبنا وبعد هالمره عمري ما بكول هالكلمة



هههههههههههههههه


لسة غر هيك كان زمان مافي معلقة

كان حجر بيكولو في

هههههههههههههه
الرجوع الى أعلى الصفحة اذهب الى الأسفل
http://aljadera.ahlamontada.com
ali hindi
عضو برونزي
عضو برونزي
ali hindi

عدد المساهمات : 1809
تاريخ التسجيل : 05/01/2010
العمر : 40
الموقع : الجديرة

مُساهمةموضوع: رد: حوار بين جيل العباة وجيل الكوتسيم..   الجمعة يناير 29, 2010 6:46 am

ههههههههههههههههههههههههه الله يعطيكي العافيةكد ما مشت الجاجة حافية

يعني جد حسيت حالي بناقش في ستي تسمعو بالشر ولا تشوفوه

وابوي يدافع عنها جبرت خاطر الها بلاش تزعل وتروح.

بس اكثر اشي اعجبني فس هالقصة

بتنف في شريطه وبتحطها في عبها (والله لاكتب الف قصة ما خطرت على بالي)


مشكورة جدا جدا ويا ريت صاحب الفكر والتفكير والعقل المدبر يشاركنا

تقبلو مروري
الرجوع الى أعلى الصفحة اذهب الى الأسفل
sawt falasteen
عضو نشيط
عضو نشيط
sawt falasteen

عدد المساهمات : 181
تاريخ التسجيل : 18/01/2010

مُساهمةموضوع: رد: حوار بين جيل العباة وجيل الكوتسيم..   السبت يناير 30, 2010 12:44 am

هههههههه.....الله يعافيكم
شكرا الكم.....لسة ترقبوا الحلقة القادمةوالله شي نهفة....
بس كيف الفلاش ميموري ....على زمان سيدي وستي...
اه اكييد راح اخلي المصدر يسجل ...
الرجوع الى أعلى الصفحة اذهب الى الأسفل
naf3one
عضو برونزي
عضو برونزي
naf3one

عدد المساهمات : 1899
تاريخ التسجيل : 03/01/2010
العمر : 28
الموقع : الجديره

مُساهمةموضوع: رد: حوار بين جيل العباة وجيل الكوتسيم..   السبت يناير 30, 2010 12:53 am

انا مني وعلي اكتر اشي مبسوط عليه الحكي تاع زمان




هاي حلوه يا ريت حدا يجبلي الاغنيه ليش يابن عمي تتاخذ علي وانا بنت عمك وانا الأوليه وانا السمن الاصفر عفوك الهيطليه) اتعجبت من مدحك لنفسك ووصفك بالمسن الاصفر عفوك الهيطلية وانا مش فاهم شو بعنيلك هالحكي بمجرد اني اتخيل منظر السمن على الهيطلية بستفرغ بكز بتكلعط
ههههههههههههههه


اكيد ما رح استنى تيصير عرس بالبلد ونقعد نزف واسمعها ههههههههههه


تقبلي مروري
الرجوع الى أعلى الصفحة اذهب الى الأسفل
http://aljadera.ahlamontada.com/
sawt falasteen
عضو نشيط
عضو نشيط
sawt falasteen

عدد المساهمات : 181
تاريخ التسجيل : 18/01/2010

مُساهمةموضوع: رد: حوار بين جيل العباة وجيل الكوتسيم..   السبت يناير 30, 2010 1:17 am

طيب خلص انا بجيبلك اياها....واي قصة من زمان انا بكتبها ...
بس خلص انتظروا الحلقة القادمة...
الرجوع الى أعلى الصفحة اذهب الى الأسفل
محمد زهدي
عضو جديد
عضو جديد


عدد المساهمات : 1
تاريخ التسجيل : 03/02/2010
العمر : 24
الموقع : الجديرة

مُساهمةموضوع: رد: حوار بين جيل العباة وجيل الكوتسيم..   الأحد فبراير 07, 2010 12:45 am

ههههههههههههههههههههههههههههه
والله كلمات رائعة ..........مشكورة على المجهود وعلى المصدر
تقبلي مروري
الرجوع الى أعلى الصفحة اذهب الى الأسفل
عباس فيصل
عضو نشيط
عضو نشيط
عباس فيصل

عدد المساهمات : 453
تاريخ التسجيل : 11/01/2010
العمر : 27
الموقع : الجديرة

مُساهمةموضوع: رد: حوار بين جيل العباة وجيل الكوتسيم..   الأحد فبراير 07, 2010 3:31 am

هههههههههههههههههههههههههههههههههههههههههههههههههههه
مشكوووووووووووووووووورة اختي لو انك مش مترجمة كم من كلمة من كلمات زمان كان ما فهمت اشي
تقبلي مروري
الرجوع الى أعلى الصفحة اذهب الى الأسفل
فتحاويه
عضو جديد
عضو جديد


عدد المساهمات : 21
تاريخ التسجيل : 24/02/2010

مُساهمةموضوع: رد: حوار بين جيل العباة وجيل الكوتسيم..   السبت فبراير 27, 2010 5:18 am

ياللي مشطى بسنان العقرب لو اطيري في السما من دمك لشرب ( جهت عليكم الله ما بتبادر لذهنك انهم مصاصين دماء)
صراحه شي بجنن كتير
فاخر من الاخر
بس الدهن في العتاكي يما مالنا خير بلاهم
مع خالص حبي وتقديري
الرجوع الى أعلى الصفحة اذهب الى الأسفل
محمد هندي
عضو فعال
عضو فعال


عدد المساهمات : 636
تاريخ التسجيل : 23/01/2010
العمر : 34

مُساهمةموضوع: رد: حوار بين جيل العباة وجيل الكوتسيم..   الأحد مارس 14, 2010 8:30 pm

هههههههههههههههههههههههههههههههههههههههههههههههه
والله حلوة
تقبلو مروري
الرجوع الى أعلى الصفحة اذهب الى الأسفل
الروح النقية
عضو برونزي
عضو برونزي


عدد المساهمات : 1148
تاريخ التسجيل : 18/01/2010

مُساهمةموضوع: رد: حوار بين جيل العباة وجيل الكوتسيم..   الخميس مارس 18, 2010 9:55 pm

يسلمو على النقل الجميل والممتع
الرجوع الى أعلى الصفحة اذهب الى الأسفل
عيون الليل
عضو مميز
عضو مميز


عدد المساهمات : 856
تاريخ التسجيل : 17/04/2010
العمر : 38

مُساهمةموضوع: رد: حوار بين جيل العباة وجيل الكوتسيم..   الإثنين أبريل 26, 2010 4:46 am

الولد – لسه يا سيدي عمرك شوفتها بتغسل رجليها من اللبص وبتحت في كعبها في الطوبة جمب العين ولا عمرك شوفتها بتحك في ظهراها على حيط الشبريز ولا عمرك شوفتها بتمشط في المشط الي بكحط وبطول في بلاوي
والله ضحكت من كل قلبي وصوت فلسطين شكلك مزيحه من الدرجه الاولى
الله يعطيكي العافية
الرجوع الى أعلى الصفحة اذهب الى الأسفل
ابو ايهم
المراقب العام
المراقب العام
ابو ايهم

عدد المساهمات : 1022
تاريخ التسجيل : 13/01/2010

مُساهمةموضوع: رد: حوار بين جيل العباة وجيل الكوتسيم..   الإثنين أبريل 26, 2010 5:05 pm

هههههههههههههههههههههههههههههههههههههههه
هههههههههههههههههههههههههههههههههههه

((((( لاه يا سيدي انتوا على راسي بس بحب اقولك انت مسميها الحجة وهي ابتعرفش تتوضا –انساك من حكم الغسل وغيره.....)))))

والله نهفة
مع انه الموضوع قديم في المنتدى بس والله اول مرة بشوفه
هههههههههههه

عنجد نهفة

مشكووووووور جدا

دمتم بود

_________________
الرجوع الى أعلى الصفحة اذهب الى الأسفل
 
حوار بين جيل العباة وجيل الكوتسيم..
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الجديرة  :: منتديات الجديرة العامه :: منتدى قاموس الموقع-
انتقل الى: