نفس السؤال للشباب والبنات

مرحبه عليكم ومشكور خيو على الوضوع اما جوابي


لا مستحيل اترك اهلي نشان الي بحبو يا اخي الواحد ما الو غير اهلو وناسو وبعدين تنساش اني هيك هيك رايحه اخسر الجميع مو بس اهلي اصدقائى واهل بلدي وبعدين اي وحدة ما بترضى على حالها انها يحكو عنها الناس انها راحت خطيفه يعني من الاخر دشرت مو راحت مع الي بتحبو وكمان شي حتى لو بحبو بعض في ميت طريقه باجي لاهلى بتفاهم والسيايسه وبشوف ليش همه رفضو والاهل في الاخر همه ادرى بمصلحه البنت يعني مو رايحه تفرق مع الشب كتير بظل زلمه اما البنت بتروح عليها وبتخسر الكل لا بلا منو اذا اهلي ما بدهم والبنات بينطعنو بشرفهن على هاى الشغله وبحكو عنها كتير كلام مجرح على شان هيك الله يكفينا شر هشغله اظل عند اهلي احسلي ومصيرهم يقنعوني وين مصلحتى

والله انا من النوع اللي بحب هاي المواضيع , بالنسبة للاجابة :
والله يا علي انا لو حبيت وحدة في يوم من الايام وكنت مقتنع تماما فيها وما في غيرها بالنسبة الي واهلي مو موافقين بحاول افهم سبب رفضهم اذا كان مقنع بشكل قوي مممممم ممكن اغير رايي فيها بس لو ما اقتنعت وكانت هي اللي بتناسبني كما قلت بحاول اقنعهم مرة ومرتين وبس
وبعدها اذا ما اقتنعو ما بعنيني كتير الموضوع باخدها ولو بدو يصير دم من تحت راسها لاني مش مستعد اقضي حياتي معقد نفسيا عشان واحد ولا تنين من اهلي رافضينها لاسباب بتعنيهم هم
هذا هو

طبعا أخي هاد مستحيل الشي لانو الشب بيجي بدالو حتى لو كان بنحبو بس الاهل مالنا غنى عنهم ولا بيجي بدالهم وبعدين لنفرض انو الوحدة تركت اهلها وراحت مشان شب وحصل معها شي خلاهم ينفصلو او حصل مشاكل لمين ساعتها بدها تلجأ وكيف بدها تعيش ودبر حالها خاصة ازا ما كانت متعلمة ولا بتعرف تشتغل شي يعني بالاخر راح تصفي ضايعة,وكمان ممكن تتعرض للأهانة والذل من الشخص الي تركت أهلها مشانو لانو بيعرف ما الها حد يسندها,فهي بتكون مضطرة بالنهاية تتحمل عواقب أختيارها مدى الحياة

طيب يا شباب ويا صبايا اجا نفعوني يحكي رأيه

انا لو بحب وحده يعني حب بمعنى الكلمه

بسيب اهلي وبعيش معها لانو بالنهايه الاهل رايحين يرضوو

(الي بزعل بيرضى)

والبنت اكيد رأيها من رأي الي بحبها


اي والله مصيبه ازا بكون احب وحده واخر اشي اهلي يرفضوها
بعمل عرس على زوقي وما بخليهم يحضروه


هادا رأيي البسيط

طاب يومكم

اولا اشكركم جميعا على تفاعلكم ومناقشة الموضوع
اما بالنسبة الي انا بدي اسال الشباب سؤال ربما انه يكون محرج شوي
بس بدكم تتحملو لاني شايف انكم ما شاء الله بتحكو بكل اريحية وانا اسميها عنجهية
وكان الواحد بناقش في موضوع عادي وبسيط مع الموضوع من النوع السخن زي ما بحكو
طبعا انا راح اعمم السؤال
لو في يوم من الايام اجا شب وطلب اختك وانته رفضت لسبب ما او بالاحرى سبب
انته مقتنع فيه وكانت اختك بتحب هذا الشاب وما ردت عليك ولا على اهلك وتزوجت
من هذا الشاب شو راح تكون ردت فعلك هل ترضخ للامر الواقع ولا راح يكونلك حساباتك
انا بصراحة شايف ان رد الصبايا على الموضوع مقنع اكثر
فعلا صعب كثير وثلثي مستحيل ان البنت تتخذ قرار مثل هيك
اي والله مصيبة اذا في يوم من الايام اختلفت مع زوجها وين بدها تروح
ناهيك عن حكي الناس وما ادراك ما حكي الناس
وفي حالة زي هيك بصير كلام الناس بقدم وبياخر عكس اغنية ابو وديع !!!!!!!!!!!

انا كمان من راي الصبايا ما بترك اهلي علشان شخص ثاني

حتى لو كان ابن الملك يعني هذا مش اختيار هذه اسمها مغامره

طب فرضنا ان هالشب كان محترم وقد حالا ولا احسن من هيك

وربنا ارادلو ان يصير معو حادث ومات لوين مصير البنت بدا يصفي

في النهايه الاهل اعرف بمصلحه البنت وما فيه حدى في الدنيا

بحبها وبحترمها زيهم

تقبل مروري علي اسف على الاطاله

على راسي

كل الاحترام الك ولرايك في هالموضوع

اما بالنسبة للاطالة مش مشكلة لانه الموضوع بحاجة للكثير من النقاش

اشكرك مرة اخرى وطاب يومك