ما هو شعور الفتاه جاوبي بصراحة

بسم الله الرحمن الرحيم


السلام عليكم ورحمة الله وبركاته ..




صباح او مساء الخير .


المهم في الموضوع ..



ما شعور الفتاة التي يتقدم عريس لخطبتها


ثم يراها وبعد يومين تتصل أم العريس لتخبر أم الفتاة بأن




ابنها لم يوافق على الزواج من ابنتها وإن الزواج قسمة ونصيب ..




ارجو ان تعطيني رأيك بكل صراحه .. ولو مثلا مرّ عليك هالموقف في الحقيقه (تجربه سابقه)



( كيف راح تكون رده فعلك ) ؟


تخيّلي هذا الموقف .. وعطني اجابتك بكل صراحه .
هههههههههههههههههههههه
انتظر الاجابة

والله يا اختى انا ما بعرف مين بتكوني بزبط من البلد او مو من البلد بس شوفي وبكل صراحه انا ما مريت بهذا الموقف بس اذا مرين في عادي وبكل صبابه بما انو شعوري هليومين تلاته مو رايق ولا فايق وبما انو شعوري غير مشعور بتاتا عادي بكب عليه ميه باردة ههههه

طبعا السؤال للفتيات مش الي


هههه

انا بقول انه فعلا الزواج قسمه ونصيب

بركي البنت ما عجبتو

شو خاوة يتزوجها

ههههههههههههههههه

مشكورين على المرور
اختي الروح النقية وانا كمان ما مر عني هالموقف
بس القصة وما فيها اني قرات هالموضوع على النت
وعجبني وحبيت اطرح الفكرة في المنتدى على الصبايا
لمجرد اخذ الاراء وان شاء الله هالموقف ما بتمر فيه اي صبية
دمتم في رعاية الله

هههههههههههههه

انا بالنسبة الي لو كنت بنت ومريت بهالموقف

بصراحة بنشل املي وبتحطم كبريائي

مشكورة على المجهود ونهارك سعيد

اة شبلب اعترفو اعترفو شو بتعملو حتى لو تروحو تخطبو بكون قلبكم قاسي انتو مسموح الكم كل اشي

والله بدك الصراحة هدا موقف حقير
ان ام العريس تتصل وتحكي ان هو مو موافق
وصراحة أنا ما مرت علي هيك اشي
حد علمي ان اذا شاف العروس وما عجبته
خلص ما بيرجعو بتصلو ولا بحكو في الموضوع
لأنه زي ما بنعرف ان قلة الجواب جواب
تقبلي مروري

فعلا اخت الدنيا حلوة : الموقف حقيرررر جدا
لان العريس لوفي عنده دم برفض الزواج يهذه الصورة التقليدية البشعة وانا بفضل اذا ناوي يتزوج بهذه الصوره .... في موجود
(( كاتالوج صور للبنات (( يختار على الكتالوج احسن ما يجرح حدا
وهيك رح تكون حياته ممتازة100 بالمية
والمثل بقول ( كل طنجرة والها غطاتها )

سبحان الله

هههههههههههههههههههههههه

لااعرف بصراحة لاني لم امر بهذا الموقف المحرج