توضيح من جمعية الجديرة للتنمية والتطوير

انا برأيي انو القريه بحاجه كبيره جدا لبناء مدرسه بنات
لانه كل القرى لديهم مدارس الا نحن لا يوجد عنا الا المدرسه الاساسيه

بدل من بناتنا ان يتوجهن على مدرسه الجيب والمدارس الاخرى لكي يحصلن على التعليم

انا برأيي يا جماعه الخير انو نوقف مع بناء مدرسه الجديره للبنات

بالنسبة لي شخصيا ارى ان قيام مدرسة ثانوية للبنات من اولويات احتياجات القرية لعدم وجود مدرسة خاصة بنا
كما اعارض قيام مدرسة صناعية لما لها من اثار سلبية على الجديرة و المنطقة حيث ان طلاب الصناعي من اضعف الطلاب في الدراسة واكثرهم صنعا للمشاكل

هذا وغير ان اخلاق بعض الطلاب التي لا نستريح لدراستهم بجانب مدارسنا .

كما اشيد بثقتنا في ((ابو عوني )) بانه اهل للامانة

والله ولي التوفيق

احنا طبعا جميعا لايخفى علينا مدى حاجة البلد لمدرسة للبنات بدل من الذهاب الى القرى المجاورة بس انتو انسيتو نقطة هامة انو ما بيصير نبني مدرسة للبنات بجانب مدرسة للذكور هاد أكبر غلط ممكن نقع فية , وأكيد ما بيخفى على حد فيكم أخلاق اولاد المدارس اليوم و المشاكل الي راح تصير بعدين.

اخ محمد راح أضل نفس المشكلة, المشكلة بالمكان وبصراحة انا مش شايفة انو مدرست البلد مكان او بمعنى أصح لا تشبة المدارس لا في الشكل ولا المساحة ولا الوضع الي بشوفو انكم تقترحو مكان أخر يكون اوسع وبموقع مناسب بحيث يوخد الطالب والمعلم الراحة بممارسة نشاطة يعني والله مدرسة البلد حتى ساحة مافي للطالبات وبدل المدرستين اعملوها مدرسة وحدة ابتدائي وثانوي شو المانع.

الاخوة والاخوات .........
بناء مدرسة اكيد ضروري في نظري المكان مش مهم و اذا كان بجانب المسجد ممتاز لان المسجد للجديرة اذن المدرسة للجديرة ........
وانا سمعت من وزارة التربية والتعليم عن مشروع مدرسة الجديرة الذي تم دعم تكاليف بناءه من الدول المانحة
وتم تسمية المدرسة ( مدرسة بنات الجديرة الاساسية العليا )
انشاء الله بتم المشروع وبنجح ولكم كل كل الدعم والتوفيق
وما تنسوا ان بناتنا امانة في رقاب المسؤولين

فعلا اختي الكريمه ان بناء المدرسة من اهم أولوياتنا

وعلى هذا لا زلنا على موقفنا م بناء مدرسة الجديرة للبنات

لك التحية

مشروع المدرسة كتير مهم بس اذا كان في مانع من بعض الأهالي على الموقع
أنا رأيي انكم تعملو مقر للجمعية فيها وبعدين طول ما انتو موجودين كل اشي بارادة ربنا أولا وبجهودكم ثانيا رح ايصير وتبنو مدرسة في موقع مناسب أكتر وأنا واثقة انكم قد هالمسؤولية يا أخ محمد وعلي والله يوفقكم .

لكم مودتي

بسم الله الرحمن الرحيم
لمن المضحك المبكي هنا ان بعض اللذين يعارضون بناء مدرسة للبنات هم من اللذين
يعتبرون انفسهم اوصياء على القريةويعتقدون انه لا تجري الامور الا بمشورتهم
وانا اقول هنا ان قدرنا ومصيرنا هو وحدتنا في القرية وعلينا مواجهة اولائك اللذين شوهو
الوجه الجميل للجديرة واللذين يعطون المبررات للعودة الى الخلف في الحديث عن العائلية والطائفية
في سعي حثيث لاثارة الفتنة والبلبلة على حساب المواطن المغلوب على امره
وتغليب مصالحم الشخصية على المصلحة العامة ووضعها فوق كل اعتبار
وهنا اشكر جمعية الجديرة على المبادرة الطيبة والسخية للتنازل عن قطعة الارض لبناء المدرسة
وعلى اسلوبها في التعامل على طريقة بلقيس الشهيرة والتي تمثلت في
1-نزع فتيل التوتر وعدم اللجوء الى القوة
2-عرض الامر على العامة
3-القدرة على اتخاذ القرار والتصرف بحكمة ممزوجة بحزم
وهنا يبقى السؤال هل يمكن ان تنتصر حكمة بلقيس في الجديرة؟؟؟؟؟؟؟؟؟؟؟؟؟
فعلى الجميع ان يعلم ان هناك اياد كثيرة تضغط على الزناد في كل الاتجاهات
منها من تضغط على الزناد لمواجهة الجهل ومواجهة الاحتلال الصهيوني ومساعدة الناس بقدر المستطاع
وهناك اياد اخرى خارجة عن اعرافنا وعاداتنا وتقاليدنا تضغط على الزناد في حرب يعتبرونها مقدسة
في اثارة العصبية العائلية والفتنة الداخلية والتعامل معها كدعاية انتخابية ربما ينجحون في كسبها
على حساب المغرر بهم وللاسف الشديد انه في مثل هذه الحالات يتجه البعض الى القبلية وبذلك
تكون هرولة الى تاخر قريتنا في جميع المجالات دون قرى المنطقة وذلك يترك الاثر السلبي على الجميع دون استثناء
اسف على الاطالة ولكن اعلمو انه
قد آن الأوان لوضع الأمور في نصابها ، بتأهيل الاشخاص والعمل الذي سيعملونه، بدلاً أن يوجد المنصب ثم نبحث عمن يسد الفراغ ليس أكثر
وهنا استوصو بقول الله تعالى
{ إن خير من استأجرت القوي الأمين }
لا حول ولا قوة الا بالله وحسبي الله ونعم الوكيل

بسم الله الرحمان الرحيم. السلام عليكم ورحمة الله وبركاته. انا قرأة موضوع المدرسه واعتقد انو من احسن
شي اينو ينبنى مدرسه للبنات او هيك بنكون مطمنين علا بناتنا مين ايه مكروه ان كان
او ما تنسوا يا اهيل بلدنا انو بنات البلد كولهن بناتنا اوخواتنا يعني لازم كولنا انخاف عليهين
ونا مين رأيي بيناء المدرسه اهم شيء إن شاء الله . موفقين
في اعمال الخير دايمن

اللهم اجعلنا ممن يورثون الجنان و يبشرون بروح وريحان ورب غير غضبان آمين

السلام عليكم ورحمة الله وبركاته
اشكرك اخ محمد اكرم انت وجميع من وقفوا الى جانبك في هذا الموضوع وانا اريد ان اعلق على نقطة لكن بخاف انك تزعل ... بس لازم تشوفها لانو هدا الحكي اللي سمعتو من اكتر من واحد المهم ...
محمد اكرم انا معاك انو ينبنى مدرسة ثانوية للبنات واعتقد انو معظم اهل البلد مع مدرسة البنات بس الكارثة والمصيبة في البلد انهم بقولو لا يا عمي احنا مش ضد محمد اكرم في بناء مدرسة للبنات احنا ضد محمد اكرم انو يبني جمعية شو يعني جمعية لما انت شفت معارضة من اكتر من واحد طلعتلنا في شغلة مدرسة البنات طبعا انت لما تسأل اي واحد وتخيرو بين مدرسة صناعية ولا مدرسة بنات اكيد رح يحكيلك مدرسة بنات طبعا طبعا هدا الحكي مش مني
هدا الحكي اللي سمعتو فارجو ان تكون معي وليس ضدي
واشكركم جميعا

يعطيك العافية ابو حميد اسمحلي ارد عليك كمان مرة :
قبل ما تثار المشكلة بين المجلس والجمعية باكثر من اسبوع يا محمد انا بعرف انو كان نازل عطاء بناء مدرسة بنات لقرية الجديرة من قبل مؤسسة امريكية اسمها c h f يعني موضوع قصة مدرسة بنات او غيرها محسومة من قبل المشكلة باسابيع انها مدرسة بنات وكمان ما حد عندو صلاحيات لا مجلس قروي ولا غيرو يفرض على التربية والتعليم بتغيير المدرسة من مدرسة بنات فمش ضروري انو جمعية الجديرة تقول انها فرضت تكون انها مدرسة بنات .
كمان ما حد ضد بناء مقر للجمعية لكن في اشي اسمو اولويات وفي راس سلم الاولويات المباني العامة والخدمات العامة حتى لو كانت الجمعية اللي استأجرت الارض لانو الوقوف في وجه هذه المشاريع تفقد الجمعية قاعدتها الجماهيرية انا هيك رأيي
وكمان اشي يا محمد انا بصراحة مهتم كثير في هالموضوع يا ابن الحلال انا سالت الناس اللي كنت افكر انهم بدهم مدرسة صناعية يا زلمة ولا واحد حكالي انو بدو مدرسة صناعية الكل بحكي اه مدرسة بناااااااااااااااااااااااااااااااااااااااااااااااااااااااااات وما حد عندو اعتراض.

كمان يا محمد احنا طول حياتنا في هالبلد بنفتخر في اهل بلدنا وحتى لو كان في ناس فسق مثل ما بتقول فبندعي ربنا انو الله يهديهم ومش في صدد اننا نثير فتنة في البلد ( فالفتنة نائمة ملعون من ايقظها )
مش قصدي انك بتثير في فتنة بس بصراحة انا شايف انو رح يصير عندنا في البلد مشاكل وتفكك في المصلحة العامة
ارجو ان تتقبل ردي بصدر رحب

اولا انا كثير متأسف لاني ازعجتك شوي وبعرف انك زعلت وكمان مرة متأسف لاني بعتبرك اخوي لكبير صح لهجتي كانت مش حلوة لكن شوف يا محمد احنا هون بنتناقش في موضوع .......
انت حكيت اني انا مصيبتي بحكي وانا ما كنت احضر صح ما كنت احضر لاني كنت في المستشفى وانت بتعرف اني كنت مريض بس انت ما بتعرف انو كل اشي بصير في البلد كان يوصلني والله عن طريق التلفون وعن طريق اشخاص يجوني عالمستشفى ويحكولي بعرف انك رح تستغرب شوي مبس صدقا هذا اللي كان يصير وانا تعليقي عالموضوع بناء على اللي سمعتو من اكثر من واحد

انا ما رح احكي اكثر من هيك لانو واضح جدا انك فهمت قصدي غلط مع اني في البداية اترجيتك انك تفهم قصدي مزبوط
وشكرا الك

والله يا سيدي ما زعلت

بس انا بررت الموضوع

والحكم بسمع من الطرفين

مش بياخد طرف على انه المزبوط وبهمل الطرف الاخر

انت بتتحكي انك سمعت منهم

طيب هي انت سمعت مني

ليش هلا ما تسأل الناس الي انا ذكرتهم

بتعرف يا محمد وين الكارثة ؟
الكارثة انك بتعتبرني غبي لاني اسمعت من طرف واحد يا اخي مين حكالك اني سمعت من طرف واحد ؟
ثانيا والاهم انك معتبرني ضدك يا عمي والله اني مني ضدك انا ورا معرفة الحقيقة فقط .
بعدين انت بتحكيلي ليش ما تسأل الناس اللي ذكرتهم الي ؟؟؟!!!! وليش ما اسال ناس محايدين انت ما ذكرتهم وكانو قاعدين في الجلسة ؟!
ايضا انت بتفكر انو اذا اكم من واحد حكو الك اه والله انك يا محمد ما بتحكي الا عين الصح انت بتفكر هذول الناس معك عالموت لا يا عمي بتكون غلطان
كمان انت زعلت عكلمة فتنة طب ليش زعلت هو اللي بصير في الوقت الحالي مش فتنة ؟ بغض النظر انت الغلطان ولا الطرف الثاني الغلطان مش مهم مين اللي افتعلها المهم انو في فتنة ولازم انها تزول في اسرع وقت .


بعدين بحب ابشرك انو بلد زي بلدنا تقريبا تعتبر من اصغر القرى في الضفة بنقسموا اهلها لطرفين فهذي بلد لا خير فيها .

بعدين في اشي رابع ممكن انت تسألني مين اللي هدا المحايد اللي انا بحكي عنو ؟ طبعا مش رح احكي لانو عنجد بصير مشاكل وانا مش معني اني اكون مصدر فساد في البلد ....

والباقي عندك

كمان بدي ارد عليك كمان مرة بس بدون ما اعاتبك زي ما عاتبتني والكلام موجه للجميع .....

انتو يا جماعة بتكبروا المشكلة والمشكلة بدها تقزيم كل واحد من طرفوا اسمحولي بالهلكلمة عم يستغل المشكلة لمصلحته الشخصية ، وكأن المجلس او الجمعية بتأمر على التربية والتعليم ياااااااااااا جماعة المسألة محسومة مدرسة بنات من زمان ، وفي امثلة حية في بعض القرى عملوا مدارس على حسابهم والتربية رفضت تستلمها او تشغلها لأنها ما بتنحط تحت الأمر الواقع يعني المجلس ما بيقدر يحول مدرسة من بنات لصناعية وبصراحة المشكلة صارت لما صار الاجتماع التمهيدي للمشروع وعرفت الجمعية انو الارض راح تضيع على الجمعية بس للأسف بعد هيك وبعد ما وقفت البلد في وجهك اتحولت المشكلة من مشكلة عامة لمشاكل خاصة بقصة مدرسة صناعية وارجو ان نبدا بورقة جديدة وبشفافية
مع احترامي

حسبي الله ونعم الوكيل بس

يا ابن الحلال الشمس ما بتتغطى بغربال والي بحي انو مش

شايف الشمس بكون بس هدفو يتهبل(بستعبط)على راي المصاروة

ما الي تعليق اكثر من هيك

عشان ما يصير مناكفة وعشان انت قررت انو ما رح اقدر اناقش خلص ما رح اناقش كمان زي ما بدك
اشكرك ابو حميد واعتذر للمرة الثالثة اذا كنت اسأت الحوار معك او مع غيرك .

السلام عليكم جميعا

اخي العزيز محمد اكرم واعضاء الجمعية الكرام واعضاء منتدى الجديرة

اسمحو لي ان يكون نقاشي بهذا الموضوع في صفحة جديدة بموضوع جديد

لاني بصراحة ساكشف حقائق وخفايا عن اصحاب الفتنة في قرية الجديرة

وساذكرهم بالاسم الكامل

وساذكر لما يفعلون هكذا وما الهدف من ذلك ومين وراهم

وذلك في خمس حلقات

اولا (( إن الفتنة إذا أقبلت عرفها كل عالم وإذا أدبرت عرفها كل جاهل ))


ثالثا ساتكلم عن بعض الجهلة التي سرقت عقولهم



ولنا لقاء باذن الله


والسلام عليكم ورحمة الله وبركاته

يا زلمة انت بكلامك هذا رح تعمل مشاكل الافضل لمنتدانا ولك ان لا تفصح عن اسمك