هل انت مع او ضد؟؟!

هل أنت...........(مع).... أو.........(ضد)؟؟؟!!!


فيه موضوع نقاش (يفيد) الجميع وحبيت تشاركوني فيهـ ,,
وفكـرته كـاااا الآتي ,,

كل عضو(ة) يطرح سؤال بحيث تكون الصيغه ... هل أنت (مع) أو (ضد) (أي شي معين)؟
مع السبب ! ! لمـاذا؟!
واللي بعده يجاوب ,, ويكتب سؤال ؟!

اتمنى انو الفكرة وااضحه وارجوو منكم التفاعل ,,

هل تؤيد سفر الطالب او الطالبه للخارج للتعليم؟

ما في مشكلة اذا كان ضمن ضوابط

لان احيانا بنخسر الطلاب وابنائنا بسبب سفرهم

هل أنت مع كل العالدات والتقاليد ؟

انا مش كل يوم بسمع


مو شرط في ناس بتسمع وفي ناس مابتحب



هل يوجد حسد وهل في ناس بيحسدوا ناس

انا مع سفر البنت او الشب للدراسة الى الخارج بس الاولوية للشب طبعا
بس في نفس الوقت اللي بعرف بنتو ومركن عليها في كل اشي بوديها ولو عالقمر يعني انا مع باختصار
تقبلو مروري

مشكورين على مروركم


هل انتا مع او ضد ان شتغل الطفل في سن مبكر ؟

سؤال علي كويس مكشلتنا بالبلد

صراحه انا مش مع الطبيخ بالعرس مكلف كتير على العريس

هل انت مع الطبيخ في العزاء !!!

بصراحة يا شباب خلينا في مشكلة الطبيخ في العزا انسو الاعراس حاليا بالنسبة للعزا ما بنقدر نلغي هذه العادة الا عن طريق واحد يصير عندو عزا وهو يحكي بدناش حد يطبخ لانو اذا اجا واحد ثاني وحكا هاي الجملة محدا برد عليه لانو بصيرو يحكولو طب ليش انت اللي لغيتها طب مهينا طبخنا في عزا ابوك او امك وهيك بصير النقاش يعني بس عن طريق صاحب العزا وانا هيك رايي
تقبلو مروري

انا مش مع الطبيخ بالعرس لانو بكلف مصاريف عرس تاني

وانا مع الطبيخ بالعزا بس مش بالطريقه اللي بالبلد
يعني لو كل عيله بتدفع مبلغ بالشهر للجمعيه او للمجلس وبجيبو طباخ على قاعه الجامع هيك بكون افضل والا انتو شو رأيكم ؟؟



هل انت مع تشجيع الاطفال بأن يخرجوو من المدرسه في سن مبكر ؟

لأ أنا ضد ان الطفل يطلع في سن مبكر من المدرسة لأنو ما رح يكون في مجالات في حياته

للعمل مهو اللي معه شهادة جامعية يا دوب ملاقي شغل


انت مع أو ضد جلوس البنات في المنتديات

سبحان الله سؤالك اجا على دوري

اختي الكريمه الانترنت سلاح ذو حدين

اذا حسن استخدامه يكون سلاح مفيد وان اساء استخدامه يكون سلاح فتاك على الشخص

انا اتكلم بغض النظر ان كان شابا ام فتاه

لا ارى عيبا او خطأ في دخول المنتديات بهدف العلم والمعرفه

وكما هو الحال في منتدانا يكون لصالح القرية

تقبلي مروري اختي الكريمه

هل انت مع ان العرب يتشبهون في العادات الغربية كي لا يطلق علينا اسم متخلفين

طبعا زي ما بنعرف ان للضرورة أحكام في كل اشي فتقليد الغرب مش غلط بحد عينه ولكن التقليد يكون صحيح اذا توافق مع ديننا وعاداتنا وتقاليدنا الصحيحة
وفي النهاية ضروري نتعلم لغتهم وثقافاتهم لانه متل ما امرنا الرسول صلى الله عليه وسلم انا نتعلم لغة أعدائنا عشان نقدر نتغلب عليهم ..
طبعا الحكي في هاد الموضوع والنقاش فيه يطول لكن هاد رأيي باختصار ..


مع او ضد زواج الأقارب ؟

لو حكيت لا بكون ناقضت نفسي لاني متزوج بنت عمي بس انا ضد اذا بتكون الشغلة زايدة عن حدها انو البنت والولد الاقارب يكونو محجوزين لبعض واهم صغار

هل انت مع او ضد انها البنت تسوق السيارة ؟

انا مع انو البنت تسوق سياره


يمكن انو يصير ظرف طارء بالبيت وما في زلام البنت بتشغل السياره وبتطلع



هل انت مع او ضد الشب يكون مناصر للبنات ؟

انه الشب يكون مناصر للبنات مش غلط

بالنهاية البنت هي الام والاخت والخ

الغلط انه يكون مع اي تصرف للبنت !!!

هل انت مع العصبية العائلية !!! يعني شو ما حكولك بالعيله ترد عليهم وتكون ضد اصدقائك في سبيل ما تخالف العيله !!

هل انت مع العصبية العائلية !!! يعني شو ما حكولك بالعيله ترد عليهم وتكون ضد اصدقائك في سبيل ما تخالف العيله !!

مش مع العصبيه العائليه

وما بعمل اي اشي بحكولي ياه بالعيله ازا بخالف العيله

لانو انا مش مستعد اكون ضد صديقي

هل انت مع سفر الشب الى بلد اخر وهو في سن صغير؟

هل انت مع سفر الشب الى بلد اخر وهو في سن صغير؟

لا طبعا ولا حتى وهو كبير
لانو احنا في ارض الحشر ووجودنا في ارضنا هو جهاد في سبيل الله
فأنا ضد مسألة السفر وعلى الانسان ان يدرك بأن الرازق والموفق هو الله وليست اميركا او كندا او غيرهما
مشكورين جميعا

عشان هيك قلبت الدنيا يا منتصر عوحدة اميركانية
تقبل مروري

هل انت مع الزواج بمن هي ليس من دينك ؟


الرجاء من يجيب على اي سؤال يضع بعد الرد سؤال لكي يتمكن العضو التالي الاجابه

اقتباس :

هل انت مع الزواج بمن هي ليس من دينك ؟

شوف انا مع اذا كان المتزوج ذو دين وقادر علي معالجة الامور الغير اعتيادية . كما قال تعالى

اقتباس :

ومن آياته أن خلق لكم من أنفسكم أزواجا لتسكنوا إليها وجعل بينكم مودة ورحمة”صدق الله العظيم

الامور العتيادية هي المودة والرحمة وتكون بين الرجل والمراة المسلمين في كل الحالات تقريبا
اما ديننا وانا مع هذا يقول ان نفضل المراة ذات الدين والخلق كما قال تعالى في محكم تنزيلة

اقتباس :

“لأمة مؤمنة خير من مشركة ولو أعجبتكم”

صدق الله العظيم. وفي حديث رسول الله(ص) انه قال:- “تنكح المرأة لأربع لجمالها ومالها وحسبها ودينها فاظفر بذات الدين تربت يداك” وقال ايضا:-“إذا جاءكم من ترضون دينه وخلقه فزوجوه إلا تفعلوا تكن فتنة في الأرض وفساد كبير”. يعني انا بمنتها العبارة مع اذا وضد اذا



هل انت مع الزواج المبكر او ضد؟؟؟؟؟؟؟؟؟؟؟؟؟؟؟؟؟؟؟؟

يعني أنا عنجد مش عارف أرد ولا لأ لأن
أصلا هذا السؤال اله أكثر من اجابة في أكثر من حاله
يعني لو كانت البنت أو الشاب متفوقين في حياتهم العلميةوالعادية طبعا أكيد حرام دفن قدراتهم وحدها في الحياة الزوجية اللي ممكن اتنسيهم وتعطلهم
عن استخدام هذه القدرات لأن الزواج زي ما بنعرف مسؤؤلية ومش أي حدا بيقدر ان يوفق بين الجهتين طبعا أنا ما بشمل جميع الناس في هذا الحكي لأن في ناس بتكون عندهم ارادة قوية ولكن أكيد هم نادرين , وفي ناس مثلا بيكون عندهم ولد واحد أو بنت فقط وبيكبرو في السن وبيكونو حابين يشوفو أحفادهم قبل ما يفارقو الحياة وطبعا ما في سبب بقنعهم عن تجاهل هذا الزواج , يعني عنجد هذا الموضوع صعب النقاش في بالكتابة وحديثه طويل ولكن حبيت أعطي رأيي باختصار
طرح اجابة لنفس الموضوع....

الزواج المبكر يعني اي ساعه


هههههههههههههههههههههههههههههههههههههههههههههههه


الاخوة الكرام انا ضد الزواج المبكر بكل احواله

هل انت مع تعليم الفتاه بالجامعات !!!!!

لا تنسوا في عنا ناس من البلد ضد وما تركوا باتهم يكملوا والسبب انهم بنات

مرحبا شباب عنجد موضوع حلو شكرا الك بس صار بخزي من طرحكم للاسئلة ليس لها معنا طبعا ليس كلها خلينا في مشاكل البلد او قريبة علينا

يعني سوال اخ نفعون زواج ليس من ديني انو بدا يسويها خاصة عرفين بعض يا اعطاء

سوال الاخ علي الطبيخ ما الطبيخ شي كتير حلو

مثلا قربت الانتخبات المجالس شو لو ناقشنا موضوع


هل انت مع او ضد التميز العنصري في البلد مثلا انا من دار ال ...... واحنا اكبر عيلة .....متل هيك

عبد الله انت ما جاوبت على الموضوع

بما انه بخص البلد

هات فرجيني جوابك

مرحبه للجميع بما انو كتير من عنا من البلد من البنات بشتغلو وبرحو يتعلمو وطبعا التعليم والشغل مو عيب ولا حرام بس سؤالي الكم


هل انت مع او ضد انو البنت تروح رحله مع الكروب الي بتشتغل في او الجامعات بدون الاهل هل انت مع او صد خروج الفتاة لترفيه بدون الاهل

والله انا مش مع انو البنت تطلع مع شباب بدون اهلها

هل انت مع او ضد اني اضل عايش انا بأوهام الحب ؟ وشو تنصحني

مين بدو يجاوب

انا مع منع الضرب بالمدارس
لانه ازا المعلمين بضلو يضربو بالطلاب يمكن الواحد يطلع اهبل من كتر الضرب

او انو لما يصير عالطالب واجب وما يكون عاملو ما بروح عالمدرسه تاني يوم

متلي يعني كنت اطلع ع رام الله لما كان يصير عليا واجب

لازم المعلمين يعطي الطالب حريه لفتره ويجربو فيها يعني مسايسه


هل انت مع او ضد انو البنات يقعدو على النت ؟؟ ولماذا